გურჯაანის მუნიციპალიტეტში, კაჭრეთში, მამაკაცი საკუთარ ავტომობილში გარდაცვლილი იპოვეს

გურჯაანის მუნიციპალიტეტის სოფელ კაჭრეთში, ვენახების მიმდებარე ტერიტორიაზე, შუა ხნის მამაკაცი საკუთარ ავტომობილში ცეცხლსასროლი იარაღით მოკლული იპოვეს.

შემთხვევის ადგილზე შესაბამისი სამსახურები მუშაობენ.

მომხდარ ფაქტზე გამოძიება საქართველოს სისხლის სამართლის კოდექსის 115-ე მუხლით მიმდინარეობს, რაც თვითმკვლელობამდე მიყვანას გულისხმობს.

ამ ეტაპზე შემთხვევის სხვა დეტალები და მომხდარის ზუსტი გარემოებები უცნობია.

ინფორმაციას შინაგან საქმეთა სამინისტრო ადასტურებს.