გერმანიაში ცხოვრების გაძვირების წინააღმდეგ გამართული საპროტესტო აქციები ძალადობაში გადაიზარდა

გერმანიის რამდენიმე ქალაქში, მათ შორის ფრანკფურტში, ბერლინში, კიოლნსა და ჰამბურგში, შაბათს გამართული საპროტესტო აქციები შეტაკებებით დასრულდა. დემონსტრაციებში ათასობით ადამიანი მონაწილეობდა, რომლებიც აპროტესტებდნენ ცხოვრების გაძვირებას, განათლებისა და ჯანდაცვის დაფინანსების შემცირებას, საჯარო სერვისების გაუარესებასა და სავალდებულო სამხედრო სამსახურს.

ფრანკფურტის ცენტრში დემონსტრანტებმა მაღაზიების ვიტრინები ჩაამსხვრიეს და სავაჭრო ობიექტები გაძარცვეს. პოლიციის ინფორმაციით, სამართალდამცველებს პიროტექნიკას, ქვებსა და ბოთლებს ესროდნენ, რის გამოც რამდენიმე ქალაქში წყლის ჭავლი გამოიყენეს. დაფიქსირდა დაკავებებისა და პოლიციელების დაშავების შემთხვევებიც.

აქციები ახალგაზრდულმა მოძრაობამ Gen Z regelt („Gen Z იღებს პასუხისმგებლობას“) გაუწია ორგანიზება. მსგავსი გამოსვლები იმავე დღეს საფრანგეთშიც გაიმართა, სადაც საპროტესტო აქციებში 320 000-ზე მეტი ადამიანი მონაწილეობდა.

ევროპის არაერთ ქვეყანაში ახალგაზრდების პროტესტის მთავარი მიზეზები ცხოვრების მაღალი ღირებულება, საცხოვრებლის ხელმისაწვდომობა და საჯარო მომსახურების ხარისხია.