ფლორიდაში, საცხოვრებელ ქუჩაზე კერძო თვითმფრინავის ჩამოვარდნის შედეგად 9 ადამიანი დაიღუპა

აშშ-ში, ფლორიდის შტატში, პალმ-ბიჩის ოლქში კერძო ბიზნეს-ჯეტი მრავალზოლიან საავტომობილო გზაზე ჩამოვარდა, რასაც ბორტზე მყოფი ყველა, 9 ადამიანის სიცოცხლე ემსხვერპლა. ავიაკატასტროფა ტრამპის რეზიდენციიდან დაახლოებით 9 მილის მოშორებით, Cresthaven-ის მიმდებარე ტერიტორიაზე მოხდა.

ფედერალური საავიაციო ადმინისტრაციის ცნობით, Learjet 60-ის ტიპის თვითმფრინავი ტეხასის შტატის ქალაქ ოსტინიდან ბაჰამის კუნძულების მიმართულებით ასრულებდა ფრენას. გავრცელებული აუდიოჩანაწერების მიხედვით, კატასტროფამდე რამდენიმე წუთით ადრე ეკիპაჟმა ზომიერ ტურბულენტობაზე, ყინვასა და ნალექზე მიუთითა, რის შემდეგაც ეკიპაჟის წევრმა საგანგებო სიტუაცია გამოაცხადა და განაცხადა, რომ თვითმფრინავი უკონტროლოდ ვარდებოდა და დრო ამოიწურა.

თვითმფრინავი ცენტრალურ გზაზე თითქმის ვერტიკალურად ჩამოვარდა, რამაც უზარმაზარი აფეთქება და კრატერი გამოიწვია. მიუხედავად იმისა, რომ ადგილზე ინფრასტრუქტურა, მათ შორის წყალსადენი ხაზები მძიმედ დაზიანდა და 600-მდე ადგილობრივი მცხოვრები ევაკუირებულია, მიწაზე მყოფი მოსახლეობიდან არავინ დაშავებულა. ადგილზე მუშაობას ავიაციის უსაფრთხოების ეროვნული საბჭოს (NTSB) სპეციალური ჯგუფი აგრძელებს.