ანექსირებული ყირიმის იზოლატორში უკრაინელი ფილოლოგი ალექსანდრა კაზაროვიცკაია გარდაიცვალა
ფორმულა|formulanews.ge
რუსეთის მიერ ანექსირებული ყირიმის საგამოძიებო იზოლატორში ხარკოვის ენების სკოლის, „პროფესიონალის“ დამფუძნებელი, 44 წლის ფილოლოგი ალექსანდრა კაზაროვიცკაია (კოლესნიკოვა) გარდაიცვალა.
საოკუპაციო იზოლატორის ადმინისტრაცია გარდაცვალების მიზეზად თვითმკვლელობას ასახელებს.
კოლეგების ცნობით, სევასტოპოლში დაბადებული კაზაროვიცკაია ყირიმში ზაფხულში მშობლებისთვის ბინის გაყიდვაში დახმარების მიზნით ჩავიდა, სადაც ის რუსულმა ძალებმა დააკავეს.
დაკავების მიზეზი ომის დაწყებამდე მოხალისესთან მიმოწერა გახდა. ფილოლოგმა სამი თვე სამარტოო საკანში დაჰყო, რის შემდეგაც საპატიმროში მისი გარდაცვალების შესახებ გახდა ცნობილი. ალექსანდრა კაზაროვიცკაიას მეუღლე და ქალიშვილი დარჩა.
გაზიარება:
ფორმულა
წყარო: formulanews.ge