მეტროსადგური "თავისუფლების მოედანი" დროებით მგზავრებს ვერ იღებს

მეტროსადგური "თავისუფლების მოედანი" მგზავრებს ვერ ემსახურება.

თბილისის სატრანსპორტო კომპანიის ცნობით, მიზეზი ესკალატორზე შექმნილი ტექნიკური ხარვეზია, რის გამოც მეტროსადგური მცირე ხნით აჩერებს მგზავრთა მიღებას.

"დაზიანების აღმოფხვრის მიზნით, ადგილზე შესაბამისი ტექნიკური სამსახური მუშაობს. სამუშაოების დასრულებისთანავე სადგური ჩვეულ რეჟიმში გააგრძელებს მომსახურებას.

თბილისის სატრანსპორტო კომპანია ბოდიშს გიხდით შექმნილი დისკომფორტის გამო", - ნათქვამია განცხადებაში.