14 წელი გავიდა მას შემდეგ, რაც ქართველმა ხალხმა გაიმარჯვა ბოროტების იმპერიაზე. რომ არა ამ გამარჯვების მთავარი შემოქმედის ბიძინა ივანიშვილის და მისი ოჯახის სახელმწიფოებრივი, უაღრესად გაბედული, თუმცა ძალიან რისკიანი გადაწყვეტილება, არ გვექნებოდა სახელმწიფო. სწორედ ამას არ პატიობენ ამ ოჯახს. ამიტომ არის, რომ გამალებით ესხმიან თავს და ათასგვარ ცილისწამებას ავრცელებენ მის მიმართ

14 წელი გავიდა მას შემდეგ, რაც ქართველმა ხალხმა, ქართულმა სახელმწიფოებრიობამ გაიმარჯვა ბოროტების იმპერიაზე. რომ არა ამ გამარჯვების მთავარი შემოქმედის და ავანგარდში მყოფი ბატონი ბიძინა ივანიშვილის და მისი ოჯახის სახელმწიფოებრივი, უაღრესად გაბედული, თუმცა ძალიან რისკიანი გადაწყვეტილება, ჩვენ არ ვილაპარაკებდით დღეს ამ მოცემულობაზე, რეიტინგებზე და ხელშესახებ პროგრესზე, არამედ ჩვენ დღეს ჩვენ არ გვექნებოდა სახელმწიფო, - განაცხადა „დღის ქრონიკასთან“ ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის პირველმა მოადგილემ ალუდა ღუდუშაურმა.

მისი თქმით, რომ არა ბიძინა ივანიშვილი, საქართველოში კვლავ გაგრძელდებოდა ბიზნესის რეკეტი, მოქალაქეების დაშინება, დარბევა, წამება და წნეხი.

ალუდა ღუდუშაურის განცხადებით, კითხვის ნიშნის ქვეშ დგას ისიც, იქნებოდა თუ არა თავისუფალი მედია, „ნაცმოძრაობის“ რეჟიმი რომ ხელისუფლებაში დარჩენილიყო.

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ამბობს, რომ სწორედ ამას ვერ პატიობენ ბიძინა ივანიშვილს და მის ოჯახს და გამუდმებით ესხმიან თავს ცილისწამებებით და ცრუ ბრალდებებით.

„ძალიან სერიოზული დაფიქრება გვმართებს, როდესაც ჩვენ ყველაფერ ამას ვუყუდებთ, თუ რის ფასად მოვიდა ეს ყველაფერი. ამიტომ მე მინდა ქართველ ხალხს მივულოცო, მადლობა გადავუხადო ქართველ ხალხს და განსაკუთრებული მადლობა ბატონ ბიძინა ივანიშვილს, მის ოჯახს. რომ არა ბიძინა ივანიშვილი, ჩვენ დღეს არ ვილაპარაკებდით იმაზე, რაზეც უნდა ვისაუბროთ, არამედ თუ რამეზე ვილაპარაკებდით, იმაზე, რომ არ გვექნებოდა სახელმწიფოებრიობა თავისი ყველა ინსტრუმენტით და ბუნებრივია, ქართველი ხალხი იქნებოდა უბედურ დღეში.

სწორედ ამას არ პატიობენ ამ ოჯახს. ძალიან კარგად ესმით მათ, რომ არა ბიძინა ივანიშვილი და მისი ოჯახი, ეს არ იქნებოდა. ამიტომ არის, რომ გამალებით ესხმიან თავს და ათასგვარ ცილისწამებას ავრცელებენ მის მიმართ“, - განაცხადა ალუდა ღუდუშაურმა.