Variety: სელინ დიონი პარიზში კონცერტების გამართავს

სელინ დიონი პარიზში საკონცერტო დაბრუნებისთვის ემზადება. ეს მისი პირველი შოუები იქნება ჯანმრთელობის მდგომარეობასთან დაკავშირებული ხანგრძლივი შესვენების შემდეგ.

Variety-ის ცნობით, დიონი საფრანგეთში გამოსვლების სერიას უკვე ამ შემოდგომაზე გეგმავს. კონცერტები ევროპის ერთ-ერთ უდიდეს დარბაზში - Paris La Défense Arena-ზე უნდა გაიმართოს.

მოსალოდნელია, რომ მომღერალი სექტემბერსა და ოქტომბერში კვირაში ორჯერ წარდგება მაყურებლის წინაშე. დაბრუნებისთვის მზადებას სარეკლამო კამპანიაც ახლავს: პარიზში გამოჩნდა აფიშები მისი საკულტო სიმღერების დასახელებებით, მათ შორის: Pour que tu m’aimes encore და The Power of Love.

თავდაპირველად კონცერტები ჯერ კიდევ 2020 წელს, მსოფლიო ტურნეს ფარგლებში იგეგმებოდა, თუმცა, ჯერ პანდემიის, შემდეგ კი მომღერლის ავადმყოფობის გამო გადაიდო. 2022 წელს დიონს იშვიათი ნევროლოგიური დაავადება - გაშეშებული ადამიანის სინდრომი დაუდგინეს, რომელსაც მოძრაობისა და სიმღერის უნარზე აქვს გავლენა.

არტისტის ნაწილობრივი დაბრუნება უკვე შედგა 2024 წელს, როდესაც მან პარიზის ოლიმპიური თამაშების გახსნის ცერემონიაზე ედიტ პიაფის სიმღერა შეასრულა. ახლა კი საუბარია სრულფასოვან საკონცერტო ქამბექზე. თუ გეგმები დადასტურდა, ეს იქნება სელინ დიონის პირველი მასშტაბური ტურნე მრავალწლიანი პაუზის შემდეგ.