ფრიდრიხ მერცი სკეპტიციზმს გამოთქვამს იმის თაობაზე, აქვთ თუ არა აშშ-სა და ისრაელს ირანში ომის დასასრულებლად მკაფიო სტრატეგია

გერმანიის კანცლერი, ფრიდრიხ მერცი სკეპტიციზმს გამოთქვამს იმის თაობაზე, აქვთ თუ არა აშშ-სა და ისრაელს ირანში ომის დასასრულებლად მკაფიო სტრატეგია, თუმცა აცხადებს, რომ გერმანია, პრინციპში, მზად იქნება მონაწილეობა მიიღოს საერთაშორისო სტაბილიზაციის მისიაში საომარი მოქმედებების დასრულების შემდეგ.

„უბრალოდ არ ვარ დარწმუნებული, რომ ის, რაც ახლა ხდება - რასაც ისრაელი და ამერიკა აკეთებენ - რეალურად წარმატებამდე მიგვიყვანს“, - განაცხადა მან გაზეთ FAZ-ის მიერ ორგანიზებულ კონფერენციაზე.

„ნამდვილად რეჟიმის შეცვლაა მიზანი?“ - ამბობს ის. „თუ ესაა მიზანი, არ მგონია, რომ მას მიაღწევთ. წარსულ კონფლიქტებში ეს ძირითადად ცუდად სრულდებოდა“, - აღნიშნა მან და ავღანეთის ომზე მიუთითა.