ირანში აცხადებენ, რომ აშშ-სთან მოლაპარაკებები არ გაუმართავთ

ირანს ამერიკის შეერთებულ შტატებთან მოლაპარაკებები არ უწარმოებია, - ამტკიცებს ირანული სახელმწიფო საინფორმაციო სააგენტო Tasnim-ი. ვაშინგტონთან მოლაპარაკებები „არ ყოფილა და არც მიმდინარეობს“, - იტყობინება სააგენტო მაღალჩინოსანზე დაყრდნობით.

მისი თქმით, აშშ-ის პრეზიდენტმა დონალდ ტრამპმა ირანის ენერგეტიკაზე დარტყმები მხოლოდ იმიტომ გადადო, რომ თეირანის მხრიდან „სამხედრო მუქარისა“ და მსოფლიო ეკონომიკური კრიზისის შეეშინდა.

„ირანის ხელისუფლება იღებდა „შეტყობინებებს შუამავლებისგან“, თუმცა მოლაპარაკებებში არ ჩართულა, - ამტკიცებს Tasnim-ი.

მანამდე დონალდ ტრამპმა განაცხადა, რომ ირანის ენერგეტიკულ ობიექტებზე დარტყმები 5 დღით, თეირანთან მოლაპარაკებების შემდეგ გადადო.