ვიქტორ ორბანი დონალდ ტუსკს: ომის გაჩაღების ნაცვლად შეიყვარე და გადაარჩინე შენი ქვეყანა

უნგრეთის პრემიერ-მინისტრი, ვიქტორ ორბანი პოლონელ კოლეგას, დონალდ ტუსკს სოციალურ ქსელ X-ში გამოეხმაურა და მას მოუწოდა, ომის გაჩაღების ნაცვლად შეიყვაროს და გადაარჩინოს საკუთარი ქვეყანა.

მანამდე ტუსკი X-ში აშშ-ის პრეზიდენტის, დონალდ ტრამპის მიერ ნატოს შესაძლო დატოვების შესახებ გაკეთებულ განცხადებას გამოეხმაურა. როგორც მან დაწერა, ნატოს დაშლის საფრთხე, რუსეთის წინააღმდეგ შემოღებული სანქციების შემსუბუქება და მრავალი სხვა ნაბიჯი რუსეთის პრეზიდენტის, ვლადიმერ პუტინის საოცნებო გეგმას ჰგავს.

„ევროპა თავის ისტორიაში ერთ-ერთ სერიოზულ კრიზისს უახლოვდება. მსოფლიო სერიოზული ენერგეტიკული კრიზისის წინაშე აღმოჩნდა. ევროპა სერიოზულ საფრთხეშია. ერთადერთი გამოსავალი - რუსული ენერგეტიკის წინააღმდეგ შემოღებული სანქციების დაუყოვნებლივ გაუქმება. ჩვენ არა პუტინზე, არამედ ჩვენს ქვეყნებსა და ხალხებზე უნდა ვიფიქროთ. ომის გაჩაღების ნაცვლად შეიყვარე და გადაარჩინე შენი ქვეყანა, დონალდ!“, - დაწერა ორბანმა.

Europe is heading toward one of the most severe economic crises in its history. The world is facing a serious energy crisis. Europe is in grave danger. The only way out is to lift the sanctions imposed on Russian energy. Immediately. We must think not about Putin, but about our… https://t.co/LQUMlknqIQ — Orbán Viktor (@PM_ViktorOrban) April 2, 2026