უკრაინული გამოცემა The Kyiv Independent: ბრიუსელი კიევს რეფორმების დაჩქარებისკენ მოუწოდებს, წინააღმდეგ შემთხვევაში კი ქვეყანა მილიარდობით ევროს დაკარგვის რისკის წინაშე დადგება

ბრიუსელი აძლიერებს ზეწოლას უკრაინაზე მნიშვნელოვანი რეფორმების გასატარებლად, რადგან კიევის მიერ პროცესის გაჭიანურება საფრთხის ქვეშ აყენებს ევროპული ფონდებიდან მისაღებ მილიარდობით ევროს, რომელიც ქვეყნისთვის სასიცოცხლოდ მნიშვნელოვანია, - წერს უკრაინული გამოცემა The Kyiv Independent-ი.

უკრაინის პარლამენტის თავმჯდომარისადმი გაგზავნილ 30 მარტით დათარიღებულ წერილში, რომელიც The Kyiv Independent-მა მოიპოვა, გაფართოების საკითხებში ევროკომისარმა, მარტა კოსმა ჩამოთვალა 11 რეფორმა, რომელთა დასრულებაც უკრაინამ 2025 წლის განმავლობაში დათქმულ ვადებში ვერ შეძლო.

მან ხაზგასმით აღნიშნა, რომ ამ რეფორმების მიღება ქვეყნისთვის 4 მილიარდი ევროს გამოყოფის შესაძლებლობას უზრუნველყოფს.

უკრაინას გაზაფხულის ბოლოსთვის ფინანსური რესურსი ამოეწურება, თუ უნგრეთის პრემიერ-მინისტრი, ვიქტორ ორბანი არ მოხსნის თავის წინააღმდეგობას კიევისთვის 90 მილიარდი ევროს ოდენობის სესხის გამოყოფაზე.

მართალია, რეფორმების შეუსრულებლობის გამო შეჩერებული თანხები შედარებით მცირეა, თუმცა ისინი მაინც მნიშვნელოვანი დახმარება იქნებოდა.