პეტერ მადიარი აცხადებს, რომ აშშ-თან კარგი ურთიერთობები სურს, თუმცა ტრამპთან დარეკვას არ აპირებს

უნგრეთის მომავალმა პრემიერ-მინისტრმა, პეტერ მადიარმა, ამერიკის შეერთებულ შტატებთან მომავალ ურთიერთობებზე ისაუბრა.

მადიარმა ხაზი გაუსვა ვაშინგტონთან კონსტრუქციული დიალოგის აუცილებლობას.

მისი განცხადებით, ამერიკის შეერთებული შტატები უნგრეთისთვის „უმნიშვნელოვანესი პარტნიორია“, რომელთანაც ქვეყანას კარგი ურთიერთობები სჭირდება.

მიუხედავად ამისა, მან მკაფიოდ აღნიშნა, რომ პერსონალურ ნაბიჯებს დონალდ ტრამპთან კომუნიკაციისთვის არ გადადგამს.

„მე არ ვაპირებ ტრამპთან დარეკვას. თუმცა, ჩემი ადმინისტრაცია მზად იქნება დიალოგისთვის, თუ თეთრი სახლი თავად გამოხატავს ამის სურვილს და დაგვიკავშირდება“, - განაცხადა მადიარმა.