ტრამპის განცხადებით, ჰორმუზის სრუტეში ნაღმებისგან გაწმენდის პროცესი მიმდინარეობს
აშშ-ის პრეზიდენტმა, დონალდ ტრამპმა სოციალურ ქსელში გამოქვეყნებული პოსტების სერიით განაცხადა, რომ ირანი ჰორმუზის სრუტეში საზღვაო ნაღმებისგან გაწმენდის პროცესს აწარმოებს. პრეზიდენტმა მადლობა გადაუხადა იმ ქვეყნებს, რომლებიც აშშ-სა და ირანს სპარსეთის ყურეში ცეცხლის შეწყვეტის მიღწევაში ეხმარებიან.
„ირანმა, აშშ-ის დახმარებით, ყველა საზღვაო ნაღმი ამოიღო ან ახლა იღებს!“ - დაწერა ტრამპმა Truth Social-ზე. ცალკეულ პოსტებში პრეზიდენტმა მადლიერება გამოხატა საუდის არაბეთის, არაბთა გაერთიანებული საამიროების, კატარისა და პაკისტანის მიმართ. მან მომხდარს „მსოფლიოსთვის დიდებული და ბრწყინვალე დღე“ უწოდა.
ამერიკელი ოფიციალური პირების განცხადებით, ირანმა ჰორმუზის სრუტეში ნაღმები გასულ თვეში განათავსა, რათა გლობალური ნავთობის მიწოდების ეს კრიტიკული გზა გადაეკეტა. თეირანს ტრამპის განცხადებებზე ოფიციალური კომენტარი ჯერ არ გაუკეთებია.
იმედი
წყარო: imedinews.ge