ფინეთის პრეზიდენტი: ტრამპი ნაწილობრივ სწორ განცხადებებს აკეთებს - ევროპამ უფრო მეტი პასუხისმგებლობა უნდა აიღოს საკუთარ უსაფრთხოებაზე
ამერიკის შეერთებული შტატების პრეზიდენტი, დონალდ ტრამპი სწორ განცხადებებს აკეთებს, თუმცა არსებობს ისეთი გამონათქვამები, რომლებსაც ვერ დავეთანხმები, - განაცხადა ფინეთის პრეზიდენტმა, ალექსანდრ სტუბმა კანადურ მედიასთან ინტერვიუს დროს.
როგორც სტუბმა განმარტა, ტრამპი მართალია, როცა ამბობს, რომ ევროპამ საკუთარ უსაფრთხოებაზე მეტი პასუხისმგებლობა უნდა აიღოს, ხოლო ნატოს წევრმა სახელმწიფოებმა თავდაცვაზე მშპ-ის 5% უნდა დახარჯონ.
„მისი [ტრამპის] განცხადებების გარკვეული ნაწილი, მიუხედავად იმისა, თუ რა ფორმით აჟღერებს ის მათ, სწორია. ევროპამ უფრო მეტი პასუხისმგებლობა უნდა აიღოს საკუთარ უსაფრთხოებაზე. მე ამას სრულად ვეთანხმები. ნატომ თავდაცვის ხარჯები 5%-მდე უნდა გაზარდოს. მიხარია. ეს კარგი იდეაა. მაგრამ არის ელემენტები, რასაც არ ვეთანხმები. მაგალითად, ტარიფები. მე თავისუფალი მოვაჭრე ვარ. მოვედი პატარა ქვეყნიდან. ვფიქრობ, უნდა გვქონდეს სამართლიანი და თავისუფალი ვაჭრობა“, - განაცხადა სტუბმა.
იმედი
წყარო: imedinews.ge