რუსეთმა გვიან ღამით კიევი, დნეპრი და ოდესა დაბომბა. არიან დაღუპულები და დაჭრილები
იმედი|imedinews.ge
რუსეთის შეიარაღებულმა ძალებმა გვიან ღამით დრონებითან და ბალისტიკური რაკეტების გამოყენებით კიევი, დნეპრი და ოდესა დაბომბა. ინფორმაციას უკრაინული მედია ავრცელებს.
მედიის ცნობით, დაიბომბა კიევის ობოლონის, პოდოლსკის, შევჩენკოსა და დესნიანის რაიონები. ობოლონის რაიონში დაიღუპა ორი ადამიანი, ხოლო ოთხმა სხვადასხვა სახის დაზიანება მიიღო.
პოდოლსკის რაიონში მაშველებმა ნანგრევებიდან კიდევ ორი გარდაცვლილი ადამიანი ამოიყვანეს. გარდაცვლილთა შორისაა 12 წლის მოზარდი. კიევის მერის, ვიტალი კლიჩკოს განცხადებით, საერთო ჯამში 45 ადამიანია დაშავებული.
შვიდი ადამიანი დაიღუპა ქალაქ ოდესაში, ხოლო 11 დაშავდა. რაც შეეხება ქალაქ დნეპრს, იქ რუსული თავდასხმის შედეგად ორი ადამიანი დაიღუპა, ხოლო 27 დაშავდა. ხუთი დაშავებული კრიტიკულ მდგომარეობაშია.
გაზიარება:
IM
იმედი
წყარო: imedinews.ge