ალბანეთის პრემიერი: ევროკავშირი სერიოზულ შეცდომას უშვებს იმით, რომ უკრაინაში ომის დასრულების საკითხზე რუსეთის ხელმძღვანელობასთან პირდაპირ კომუნიკაციაში არ შედის
ევროკავშირი სერიოზულ შეცდომას უშვებს იმით, რომ უკრაინაში ომის დასრულების საკითხზე რუსეთის ხელმძღვანელობასთან პირდაპირ კომუნიკაციაში არ შედის, - განუცხადა ალბანეთის პრემიერ-მინისტრმა, ედი რამამ გამოცემა POLITICO-ს.
„შემიძლია ვთქვა, რომ ევროპამ დიდი სტრატეგიული შეცდომა დაუშვა რუსეთთან ყველა არხის გაწყვეტით“, - აღნიშნა მან საბერძნეთში, დელფოს ეკონომიკურ ფორუმზე ინტერვიუს დროს. „ევროპა ყოველთვის, ყოველთვის, ყოველთვის უნდა ელაპარაკებოდეს ყველას“.
ეს განცხადება ეწინააღმდეგება ევროკავშირის მაღალჩინოსნების, მათ შორის ევროკომისიის პრეზიდენტის, ურსულა ფონ დერ ლაიენისა და ევროკავშირის მთავარი დიპლომატის, კაია კალასის მიდგომას. ისინი თავს არიდებენ რუსეთის ლიდერებთან, მათ შორის პრეზიდენტ ვლადიმირ პუტინთან პირდაპირ კონტაქტს იმ არგუმენტით, რომ მსგავსი მოლაპარაკებები აზრს მოკლებულია, თუკი მოსკოვი ნებისმიერ შემთხვევაში ომის გაგრძელებას აპირებს.
„რაც უფრო მეტად გადავავადებთ ამას [რუსეთთან საუბარს], მით უფრო ნაკლები სათქმელი გვექნება ბოლოს, რადგან რუსეთი - როგორადაც არ უნდა დასრულდეს ეს ომი - არსად გაქრება“, - განაცხადა მან და დასძინა, რომ მის ქვეყანას რუსეთთან არანაირი კავშირი არ აქვს. „ჩვენ არ გვაქვს... არანაირი დამოკიდებულება რუსეთზე... არც ინვესტიციები, არც რუსული გაზი და რუსული ნაგავი, ამიტომ შემიძლია ამის თქმა“.
იმედი
წყარო: imedinews.ge