Reuters: პენტაგონი ირანის საკითხთან დაკავშირებით უთანხმოების გამო, ნატოდან ესპანეთის გარიცხვით და სხვა ღონისძიებებით იმუქრება

სააგენტო Reuters-ს ხელში ჩაუვარდა პენტაგონის შიდა უწყებრივი წერილი, სადაც აშშ-ის მოკავშირეების დასჯაზეა საუბარი.

როგორც წერილშია აღნიშნული, დასჯის სურვილი მას შემდეგ გაჩნდა, რაც ნატოელმა მოკავშირეებმა აშშ-ს ირანის წინააღმდეგ წარმოებულ სამხედრო კამპანიაში მხარი არ დაუჭირეს. დასჯის ერთ-ერთ ვარიანტად ალიანსიდან ესპანეთის გარიცხვა განიხილება.

გარდა ამისა, როგორც Reuters-ი იუწყება, აშშ-მა, შესაძლოა, საკუთარ პოზიციას გადახედოს ფოლკლენდის კუნძულებზე დიდი ბრიტანეთის პრეტენზიასთან დაკავშირებით.

როგორც სააგენტოს ერთ-ერთმა წყარომ განუცხადა, აშშ იმედგაცრუებულია იმით, რომ ბევრმა მოკავშირემ ირანის წინააღმდეგ ომს მხარი არ დაუჭრა და ამერიკას თავისი ბაზებით სარგებლობა აუკრძალა.

ამერიკელი მაღალჩინოსნები აგრეთვე განიხილავენ ვარიანტს, რომლის მიხედვითაც „პრობლემური“ ქვეყნები ნატოში მნიშვნელოვან და პრესტიჟულ თანამდებობებს ვეღარ დაიკავებენ. თუმცა, როგორც ჩინოვნიკი ამბობს, ის, რაც წერილში წერია, არ არის აუცილებელი, რომ ასე მოხდეს.