ჯორჯია მელონი ნატოდან ესპანეთის გარიცხვის იდეას არ ემხრობა, - „ვფიქრობ, ნატო ერთიანი უნდა იყოს; ეს სიძლიერის წყაროა“
იტალიის პრემიერ-მინისტრის, ჯორჯია მელონის განცხადებით, ის ნატოდან ესპანეთის გარიცხვის იდეას არ ეთანხმება.
როგორც მელონიმ კვიპროსზე ევროკავშირის სამიტის დასრულების შემდეგ ჟურნალისტებს განუცხადა, ნატომ ერთიანობა უნდა შეინარჩუნოს, რადგან ერთიანობა ბლოკის სიძლიერეს ნიშნავს.
„მე ამას [ნატოდან ესპანეთის გარიცხვას] პოზიტიურად არ ვუყურებ. ვფიქრობ, ნატო უნდა იყოს ერთიანი და ამ კონტექსტში სიძლიერის ელემენტი შევინარჩუნოთ. ვფიქრობ, მის გაძლიერებაზე უნდა ვიმუშაოთ. ვფიქრობ, უნდა ვიმუშაოთ, რათა ნატოს ევროპული ზურგი გავაძლიეროთ. ამაზე ვმუშაობთ. ევროპული ზურგი ნათლად საჭიროებს ამერიკელების მონაწილეობასაც, მაგრამ იცით, რას ვფიქრობ დასავლურ ერთობაზე და დასავლეთის როლზე, შესაბამისად, მე ყოველთვის ამ აზრზე ვარ“, - განაცხადა მელონიმ.
ცნობისთვის, გუშინ Reuters-მა გაავრცელა ინფორმაცია, რომლის თანახმადაც პენტაგონი ნატოს „ურჩი“ წევრების დასჯის გეგმას ამუშავებს. ერთ-ერთი ვერსიის თანახმად, განიხილება ესპანეთის გარიცხა ალიანსიდან, რადგან მადრიდმა ამერიკისა და ისრაელის თავდასხმას ირანზე მხარი არ დაუჭირა.
იმედი
წყარო: imedinews.ge