სოსო მანჯავიძე: პატრიარქი ცდილობდა შეექმნა იდეალური საქართველო. ეს იყო მისი განსაკუთრებული მისია, რაც განახორციელა ამ 50 წლის განმავლობაში

ატმოსფეროს ქმნიდა იმგვარს, გრძნობდი, რომ გქონდა საქმე სრულიად განსხვავებულ ადამიანთან, - განაცხადა გადაცემაში „იმედი LIVE“ პოლიტოლოგმა სოსო მანჯავიძემ.

მისი თქმით, პატრიარქი ცდილობდა შეექმნა იდეალური საქართველო და ეს მოახერხა კიდეც.

„ის პოზიციონირებდა და იყო ასეთი, როგორც იდეალური საქართველოს მცველი. ის ცდილობდა შეექმნა იდეალური საქართველო - მისი ღვთაებრივი კულტურით, მისი ტრადიციებით, მისი ინტელექტით. ანუ ყველაფერი საუკეთესოს შემკრები იყო. ამას აკეთებდა და ეს იყო მისი განსაკუთრებული მისია, რაც განახორციელა ამ 50 წლის მანძილზე“, - განაცხადა სოსო მანჯავიძემ.

მან გაიხსენა ეპიზოდი პატრიარქთან ურთიერთობისა, როდესაც რჩევის საკითხავად მივიდა. სოსო მანჯავიძის თქმით, მოგვიანებით ზუსტად ის შედეგი დადგა, რაც კათოლიკოსმა შეხვედრისას უთხრა.

სოსო მანჯავიძემ გაიხსენა ასევე ეპიზოდი, რომელიც უკავშირდებოდა სვანეთის საგანძურს.

„არ დამავიწყდება, რომ უნდოდა გამოეხატა თავის სიყვარული. სულ ცდილობდა, რომ მოგვფერებოდა. გავიდა და გამოიტანა საჩუქრები და სათითაოდ დაგვირიგა. ეს ისე გააკეთა, რომ ყველა მივხვდით რატომ გააკეთა. საოცრად შეეძლო ადამიანის გულთან მისულიყო“, - განაცხადა სოსო მანჯავიძემ.