გიორგი სოსიაშვილი: მინდა, სამძიმარი გამოვუცხადო ჩვენი ქვეყნის თითოეულ მოქალაქეს ამ უდიდეს ტრაგედიასთან დაკავშირებით. მისი უწმინდესობა არამხოლოდ ჩვენს სამშობლოს დააკლდა, არამედ მთელ მსოფლიოს

მინდა, სამძიმარი გამოვუცხადო ჩვენი ქვეყნის თითოეულ მოქალაქეს ამ უდიდეს ტრაგედიასთან დაკავშირებით, - განაცხადა გადაცემაში „დღის ქრონიკა“ განათლების, მეცნიერებისა და ახალგაზრდულ საქმეთა კომიტეტის თავმჯდომარის მოადგილემ, საპარლამენტო უმრავლესობის წევრმა გიორგი სოსიაშვილმა.

სოსიაშვილის თქმით, მისი უწმინდესობა არამხოლოდ ჩვენს სამშობლოს, არამედ მთელ მსოფლიოს დააკლდა.

„საოცარი ადამიანი იყო, ეპოქალური ადამიანი, რომელმაც მართლაც განსაკუთრებული ეპოქა შექმნა, შეიძლება ასე ითქვას და მისმა გარდაცვალებამ მთელი სიდიადით წარმოაჩინა მთელი მსოფლიოს წინაშე ჩვენი ხალხი, ჩვენი ხალხის დამოკიდებულება, ის სიყვარული, რომელიც ამ ადამიანმა თესა ქართველ ხალხში და მთელ საქრისტიანოში თავისი ცხოვრების განმავლობაში. მისი უწმინდესობა იყო მრავალმხრივი მოღვაწე. მოგეხსენებათ, ძალიან ბევრი რამ გააკეთა მან. ფაქტობრივად, ჩაიბარა სულიერებისგან გამოფიტული ქვეყანა. მის უწმინდესობას განსაკუთრებული დამოკიდებულება ჰქონდა მეცნიერებისადმი. ის თავად იყო მეცნიერი, შესანიშნავი მეცნიერი“, - აღნიშნა მან.