ნიუ-იორკში, გაერო-ს საჯარო ადმინისტრირების ექსპერტთა კომიტეტის 25-ე სესია დასრულდა
ნიუ-იორკში, გაერო-ს საჯარო ადმინისტრირების ექსპერტთა კომიტეტის 25-ე სესია დასრულდა. ამერიკის შეერთებულ შტატებში ვიზიტის ფარგლებში, სამი დღის განმავლობაში, იუსტიციის სამინისტროს დელეგაციამ გაეროს სხვადასხვა დელეგატებს ინფორმაცია მიაწოდა საქართველოს მიერ საჯარო სერვისების სფეროში განხორციელებულ რეფორმებსა და სახელმწიფო ინსტიტუტების მოდერნიზაციის პროცესზე.
ვიზიტის ფარგლებში გაიმართა ორმხრივი შეხვედრები გაეროს გენერალური მდივნის მოადგილეებთან ადამიანის უფლებების, ეკონომიკურ და სოციალურ, ასევე პოლიტიკის საკითხებში. გაიმართა სპეციალური ღონისძიებაც, სადაც დელეგაციის წევრებმა გაერო-ში აკრედიტებულ ელჩებს თბილისში დაგეგმილ საჯარო სერვისების ფორუმთან დაკავშირებით ინფორმაცია მიაწოდეს და ფორუმზე ოფიციალურად მოიწვიეს.
„შეხვედრაზე შესაძლებლობა მქონდა მიმემართა ექსპერტთა კომიტეტისთვის, დამსწრე საზოგადოებისთვის და მესაუბრა იმ რეფორმების შესახებ, რომელსაც ახორციელებს საქართველოს მთავრობა, იუსტიციის სამინისტრო“, - განაცხადა იუსციტიის მინისტრმა.
იმედი
წყარო: imedinews.ge