განათლების მინისტრი: მინდა სრული პასუხისმგებლობით ვთქვა, რომ თითოეულ ოჯახს შვილის ჩაცმულობა რამდენჯერმე იაფი დაუჯდება, ვიდრე უჯდებოდა მაშინ, როდესაც სასკოლო ფორმა არ არსებობდა

არანაირ დამატებით ხარჯზე საუბარი არ არის, ეს არის წმინდა წყლის სიცრუე, - ასე პასუხობს ოპოზიციის კრიტიკას, სასკოლო ფორმებთან დაკავშირებით, განათლების მინისტრი გივი მიქანაძე „დღის ქრონიკაში“.

მინისტრის თქმით, სახელმწიფო დაარეგულირებს ფასს, უზრუნველყოფს უმაღლესი ხარისხის სასკოლო ფორმას.

„მინდა სრული პასუხისმგებლობით ვთქვა, რომ თითოეულ ოჯახს შვილის ჩაცმულობა ფორმით რამდენჯერმე იაფი დაუჯდება, ვიდრე ეს უჯდებოდა მაშინ, როდესაც სასკოლო ფორმა არ არსებობდა. ფორმის შემოღება მნიშვნელოვანია იმისთვის, რომ ესთეტიკურობაც იყოს, გარკვეულ წესებს დამორჩილებაც იყოს სკოლის ასაკიდანვე და რაც მთავარია იმ თანასწორობის უზრუნველყოფა, რომელიც ჩაცმულობის კომპონენტიდან გამომდინარე გარკვეულ წინააღმდეგობებსა და პრობლემებს იწვევს დღეს სკოლაში. ეს ყველაფერი ემსახურება ამ კეთილ მიზნებს“, - აღნიშნა განათლების მინისტრმა.

განათლებისა და მეცნიერების სამინისტრომ სასკოლო ფორმების ესკიზები დაამტკიცა.

როგორი იქნება ფორმა საჯარო სკოლებში? - დიზაინი დამტკიცებულია. „ქრონიკის“ სიუჟეტი