პენიტენციური სამსახური: მსჯავრდებულმა მიხეილ სააკაშვილმა თავი შეუძლოდ წნევის დავარდნის გამო იგრძნო. შესაბამისი სამედიცინო მანიპულაციების შემდეგ მას წნევა დაურეგულირდა, გადაუღეს რენტგენიც, მას არანაირი დაზიანება არ აღენიშნება

პენიტენციურ სამსახურში „იმედინიუსს“ განუცხადეს, რომ მსჯავრდებულმა მიხეილ სააკაშვილმა თავი შეუძლოდ წნევის დავარდნის გამო იგრძნო.

მათივე განმარტებით, შესაბამისი სამედიცინო მანიპულაციების შემდეგ მიხეილ სააკაშვილს წნევა დაურეგულირდა.

„მსჯავრდებულის განცხადებით, დაცემის შედეგად სტკიოდა ფეხი, თუმცა არც ვიზუალური დათვალიერებით და არც რენტგენოლოგიური კვლევით არანაირი დაზიანება არ ფიქსირდება“, - აცხადებენ პენიტენციურ სამსახურში.

სოციალურ ქსელში დღეს ნანუკა ჟორჟოლიანმა გაავრცელა ინფორმაცია, რომ სააკაშვილმა გონება დაკარგა საკანში, დაცემისას მიიღო თავისა და კიდურების დაზიანება.