ძიუდოს ევროპის ჩემპიონატის პირველ საშეჯიბრო დღეს საქართველომ ვერცხლის მედალი მოიპოვა
იმედი|imedinews.ge
თბილისში ძიუდოს ევროპის ჩემპიონატი მიმდინარეობს. საქართველოს სპორტის მინისტრმა შალვა გოგოლაძემ ძიუდოს ევროპის ჩემპიონატის პირველ საშეჯიბრო დღეს - 60 კილოგრამ წონით კატეგორიაში გამარჯვებულები დააჯილდოვა.
ამ წონითი კატეგორიის ჩემპიონი საფრანგეთის სახელით მოასპარეზე ლუკა მხეიძე გახდა, ვერცხლის მედალი გიორგი სარდალაშვილმა მოიპოვა, ხოლო ბრინჯაოს პრიზიორები ისრაელის წარმომადგენელი იზაკ აშპიზი და აზერბაიჯანელი აჰმედ იუსიფოვი გახდნენ.
საქართველო ძიუდოში კონტინენტის პირველობას მეორედ მასპინძლობს, პირველად ევროპის ჩემპიონატი 2009 წელს ჩატარდა. თბილისში ევროპის ჩემპიონატი 19 აპრილის ჩათვლით გაგრძელდება.
გაზიარება:
IM
იმედი
წყარო: imedinews.ge