ლევან მახაშვილი ესპანეთში გამართულ შეხვედრებზე: დავგეგმეთ ის შემდგომი ნაბიჯები, რაზეს შესაძლოა ორივე ქვეყანამ ერთად ვითანამშრომლოთ

დავგეგმეთ ის შემდგომი ნაბიჯები, რაზეს შესაძლოა ორივე ქვეყანამ ერთად ვითანამშრომლოთ, - განაცხადა საქართველოს პარლამენტის ევროპასთან ინტეგრაციის კომიტეტის თავმჯდომარე ლევან მახაშვილმა ესპანეთში გამართულ შეხვედრებთან დაკავშირებით.

მახაშვილის თქმით, ქართული დელეგაციის წევრებმა ვიზიტის ფარგლებში სხვადასხვა შეხვედრა გამართეს.

„სენატში გვქონდა შეხვედრა ევროკავშირის შერეულ კომიტეტთან, სადაც კომიტეტის წევრებს ჰქონდათ ძალიან ბევრი კითხვა იმასთან დაკავშირებით, თუ რა ვითარებაა დღეს საქართველო-ევროკავშირს შორის, როგორ წარმოგვიდგენია, როგორ გვესახება ამ ურთიერთობის გადატვირთვა, რა არის ჩვენი სამომავლო გეგმები. მათაც ჰქონდათ ინტერესი იმის, თუ რა შეიძლება გააკეთოს ესპანეთმა სწორედ ამ ურთიერთობის გადატვირთვის საკითხში.

ასევე გვქონდა ძალიან კარგი შეხვედრა კონგრესში, ეროვნული უსაფრთხოების კომიტეტში მის თავმჯდომარესთან. ვისაუბრეთ მთელ რიგ გეოპოლიტიკურ პრობლემებზე, იმ საერთო გამოწვევებზე, რაც დღეს არის მიგრაციიდან დაწყებული კიბერუსაფრთხოებით დამთავრებული. დავგეგმეთ ის შემდგომი ნაბიჯები, რაზეს შესაძლოა ორივე ქვეყანამ ერთად ვითანამშრომლოთ“, - აღნიშნა მან.