არჩილ გორდულაძე: კიდევ ერთხელ ვუსამძიმრებ მთლიანად ქართველ ერს და ქართველ ხალხს თანამედროვე სახელმწიფოს, თანამედროვე ქართველი ხალხის, ერის ჩამოყალიბებაში უდიდესი ღვაწლის მქონე ადამიანის, პატრიარქის გარდაცვალებას

კიდევ ერთხელ ვუსამძიმრებ მთლიანად ქართველ ერს და ქართველ ხალხს თანამედროვე სახელმწიფოს, თანამედროვე ქართველი ხალხის, ერის ჩამოყალიბებაში უდიდესი ღვაწლის მქონე ადამიანის, პატრიარქის გარდაცვალებას, - განაცხადა გადაცემაში „ღია ეთერი-დებატები“ იურიდიულ საკითხთა საპარლამენტო კომიტეტის თავმჯდომარე არჩილ გორდულაძემ.

გორდულაძის თქმით, პატრიარქის გარდაცვალებამაც კი, კიდევ ერთხელ გამოაჩინა თუ რამდენად მნიშვნელოვანია ნებისმიერისთვის, ვინც ქართველად თვლის თავს, რომ ღირებულებების პატივისცემა არის ის ქვაკუთხედი, რომელზედაც უნდა აშენდეს და განვითარდეს ჩვენი ქვეყანა.

„მაშინ, როდესაც მილიონ ნახევარზე მეტმა ადამიანმა გამოხატა თავისი პატივისცემა და ამქვეყნიურ გზაზე გააცილა საქართველოს პატრიარქი, მაშინ, როდესაც გაცილებით უფრო მეტი ადამიანი სხვადასხვა საჭიროებიდან გამომდინარე, რომელმაც ვერ მოახერხა [მისვლა], სხვანაირად გამოხატავდა თავის პატივისცემას, კიდევ ერთხელ გვარწმუნებს, რომ არ აქვს ალტერნატივა იმ ღირებულებებს, რომლებიც მოგვდგამს წარსულიდან, არის აწმყოს შექმნილი და არის მშობელი მომავლისა.

რაზეც ჩვენი გუნდის წევრები საუბრობენ, რომ უმნიშვნელოვანესია დავიცვათ ჩვენი ქვაკუთხედი - ოჯახი, განსაკუთრებით არასრულწლოვანები და ჩვენი შვილები, არ არის რაიმე ჰიპოთეზური საფრთხე, რომელიც სხვადასხვა ქვეყანაში შეიძლება არსებობდეს და მომავალში დადგეს“, - აღნიშნა არჩილ გორდულაძემ.