ფლორიან ფილიპომ ევროკავშირის დროშას ფერადი რევოლუციების დროშა უწოდა

საფრანგეთში მემარჯვენე მერების მიერ, მერიის შენობებიდან ევროკავშირის დროშების ჩამოხსნის შემდეგ პოლიტიკური დავა გრძელდება.

ფრანგი ევროპარლამენტარი, ნატალი ლუაზო სოციალურ ქსელ X-ში წერს, რომ ევროკავშირის დროშისკენ თავისუფლებას მოწყურებული ხალხი ისწრაფვის და სწორედ ამ დროშას აფრიალებდნენ კიევში ევრომაიდანზე და საქართველოში საპროტესტო აქციებზე.

საქართველოსა და უკრაინის მაგალითზე მითითებას გამოეხმაურა საფრანგეთის პარტია „პატრიოტების“ ლიდერი. ფლორიან ფილიპოს თქმით, ეს კიდევ ერთხელ მოწმობს, რომ ევროკავშირის დროშა ფერადი რევოლუციების დროშაა, რომელიც განადგურებას იმსახურებს.

Oui le drapeau des révolutions de couleur, le drapeau oligarchique : vous confirmez ! À détruire, broyer, décrocher, découper, brûler, déchirer, comme tout drapeau d’occupation, de surcroît souverainement rejeté par le peuple français le 29/05/2005 !#FrexitVite 🇫🇷🇫🇷🇫🇷 https://t.co/qzNQYkk6hR — Florian Philippot (@f_philippot) April 1, 2026