ბათუმის დრამატული თეატრი ტრაპიზონის შავი ზღვის საერთაშორისო ფესტივალში მიიღებს მონაწილეობას
აჭარის ავტონომიური რესპუბლიკის კულტურის სამინისტროს ინიციატივითა და მხარდაჭერით, ბათუმის ილია ჭავჭავაძის სახელობის პროფესიული სახელმწიფო დრამატული თეატრი ტრაპიზონის შავი ზღვის საერთაშორისო ფესტივალში პირველად მიიღებს მონაწილეობას და სპექტაკლით „დარისპანის გასაჭირი“ წარდგება.
შემოქმედებითი დასი, სპექტაკლის ახალ სასცენო ვერსიას, საერთაშორისო ფესტივალზე 13 და 14 მაისს წარადგენს.
აღნიშნულ ფესტივალზე ბათუმის დრამატული თეატრის მონაწილეობა მნიშვნელოვნად შეუწყობს ხელს ქართული თეატრის პოპულარიზაციას საერთაშორისო ასპარეზზე.
ფესტივალი, რომელიც 2000 წლიდან იმართება, მიზნად ისახავს შავი ზღვის რეგიონის ქვეყნებს შორის კულტურული დიალოგისა და თანამშრომლობის გაღრმავებასა და შემოქმედებითი სფეროს განვითარებას.
ინფორმაციას აჭარის კულტურის სამინისტრო ავრცელებს.
იმედი
წყარო: imedinews.ge