აიათოლა მოჯთაბა ხამენეი: რეგიონის ქვეყნები და ტერიტორიები ამერიკული ბაზებისთვის ფარად აღარ გამოდგებიან

აიათოლა მოჯთაბა ხამენეიმ თანამდებობის დაკავების შემდეგ თავის პირველ საჯარო განცხადებაში აღნიშნა, რომ რეგიონის ქვეყნები აშშ-ის სამხედრო ბაზებისთვის პლაცდარმად აღარ გამოდგებიან.

მან ეს განცხადება მას შემდეგ გააკეთა, რაც აშშ-ის ცენტრალურმა სარდლობამ აღიარა ირანის სამხრეთში, ღამის განმავლობაში, სარაკეტო პოზიციებსა და კატარღებზე დარტყმების განხორციელება.

გავრცელებულ 14-გვერდიან წერილობით მიმართვაში ხამენეიმ განაცხადა, რომ აშშ „იმის გარდა, რომ რეგიონში აგრესიისა და სამხედრო ბაზების განსათავსებლად უსაფრთხო თავშესაფარი აღარ გააჩნია, ყოველი გასული დღის განმავლობაში სულ უფრო მეტად შორდება თავის ყოფილ პოზიციას“.

„დროის ისრები უკან არ დაბრუნდება, ხოლო რეგიონის ქვეყნები და ტერიტორიები ამერიკული ბაზებისთვის ფარად აღარ გამოდგებიან“, - დასძინა მან.