ახალციხე „გემო ფესტისთვის“ ემზადება

ახალციხე ყველაზე გემრიელი დღესასწაულისთვის ემზადება - ტურიზმის ეროვნული ადმინისტრაციის ორგანიზებით, რაბათის ციხის მიმდებარე ტერიტორიაზე „გემო ფესტი“ დღეს, 15:00 საათიდან გაიხსნება.

ორი დღის განმავლობაში ფესტივალის სტუმრებს შეეძლებათ დააგემოვნონ იშვიათი, ტრადიციული მესხური კერძები ახლებური ვარიაციებით და გაეცნონ ადგილობრივ ნაწარმს. ფესტივალს მუსიკალური პროგრამაც გააფორმებს. „გემო ფესტი“ სტუმრებს ღამის 12:00 საათამდე უმასპინძლებს.