„ახალციხელობა“ - სახალხო დღესასწაული ახალციხეში. „ქრონიკა“ რაბათის ციხიდან

მასშტაბურად და განსხვავებულად აღინიშნება წელს შალვა ახალციხელის ხსენების დღე და ქალაქის დღესასწაული - „ახალციხელობა“. გაიმართა ძველი ქართული ასპარეზობები და ორთაბრძოლები. რაბათის ციხეზე ქორეოგრაფიულმა და საგუნდო ანსამბლებმა მრავალფეროვანი ნომრები წარმოადგინეს.

დღესასწაულზე საპატიო ახალციხელებს დააჯილდოებენ. დღესვე ჩაეყარა საფუძველი ქრისტიანული მუსიკის ფესტივალს, რომელიც საერთაშორისო იქნება.