ახალციხეში, იაძის ქუჩაზე თანამედროვე სტანდარტების საბავშვო ბაგა-ბაღი გაიხსნა

ქალაქ ახალციხეში, იაძის ქუჩაზე თანამედროვე სტანდარტების №4 საბავშვო ბაგა-ბაღი გაიხსნა. ახალი საბავშვო ბაღი ახალციხის მუნიციპალიტეტის მერმა ვარლამ წიკლაურმა სახელმწიფო რწმუნებულ ზაალ გელაშვილთან, რწმუნებულის მოადგილე სერგი მუშკუდიანთან და საკრებულოს თავმჯდომარე საბა კბილაშვილთან ერთად გახსნა.

პროექტის მიხედვით აშენდა ორსართულიანი შენობა, სადაც მოეწყო საბავშვო ჯგუფების ოთახები, საძინებლები, დარბაზი, სამზარეულო და სველი წერტილები.

ასევე კეთილმოეწყო საბავშვო ბაღის ეზო გასართობი სივრცეებით, ფანჩატურებით და საჭირო ინფრასტრუქტურით. საბავშვო ბაგა-ბაღი 75 აღსაზრდელს ემსახურება. იგი რეგიონებში განსახორციელებელი პროექტების ფონდიდან და ადგილობრივი ბიუჯეტიდან 1 650 000 ლარით დაფინანსდა. სკოლამდელი აღზრდის დაწესებულებამ კი ბაღის ინვენტარით აღჭურვა უზრუნველყო.