ახალციხის მუნიციპალიტეტში „კალოობა“ აღინიშნა
იმედი|imedinews.ge
უძველესი მესხური ტრადიცია „კალოობა“ გაცოცხლდა. ახალციხის მუნიციპალიტეტის სოფელ ღრელის მიმდებარედ, ღონისძიების ფარგლებში წარმოდგენილი იყო მესხეთში გავრცელებული მარცვლეული კულტურის, „ახალციხის წითელი დოლის“ ტრადიციული წესით აღება. სტუმრებს შესაძლებლობა ჰქონდათ, მესხური მრავალჟამიერის ფონზე ადგილზე დაეგემოვნებინათ წითელი დოლის პური, ტენილი ყველი, ტრადიციული მესხური ღვინო, ყაურმა, მესხური ლუხუმი და სხვა ადგილობრივი ნაწარმი.
„კალოობა“ ახალციხის მუნიციპალიტეტის მერიის მხარდაჭერით ჩატარდა, იდეა კი ადგილობრივ მეწარმეს ზაზა ივანიძეს ეკუთვნის. როგორც ახალციხის მერმა, ვარლამ წიკლაურმა აღნიშნა, ღონისძიების მიზანია მესხეთის უძველესი ტრადიციების გაცოცხლება, კულტურული და აგრარული მემკვიდრეობის შენარჩუნება.
გაზიარება:
იმედი
წყარო: imedinews.ge