გიორგი ტყემალაძე: ვფიქრობ, ეს ნამდვილად ისტორიული პროექტია - ტრამვაი თბილისში ბრუნდება

ვფიქრობ, ეს არის ნამდვილად ისტორიული პროექტი - ტრამვაი თბილისში ბრუნდება, - განაცხადა თბილისის ვიცე-სპიკერმა გიორგი ტყემალაძემ. „დღის ქრონიკაში“ მან პროექტის განხორციელების ვადები დეტალურად განმარტა.

„ეს არის კონცეპტუალური დიზაინის შექმნა 3 თვის განმავლობაში, შემდგომ 6 თვე დეტალური პროექტირება და შემდეგ უკვე მშენებლობა. 36 თვე არის საერთო ჯამში ის ვადა, რომლის ათვლაც დაწყებულია და დარწმუნებულები ვართ, რომ 36 თვის თავზე, უფრო ადრე თუ არა, ეს პროექტი იქნება განხორციელებული, რაც მნიშვნელოვნად შეუწყობს ხელს საზოგადოებრივი ტრანსპორტის გაუმჯობესებას“, - განაცხადა მერის მოადგილემ.

დიდი დიღმიდან მეტროსადგურ „დიდუბემდე“ მიმავალი ტრამვაის ხაზის მშენებლობაზე საერთაშორისო ტენდერი ივლისში დასრულდა. მასში თურქეთში რეგისტრირებულმა კომპანიამ გაიმარჯვა.