ალექსანდარ ვუჩიჩი: ეს ჩემი ბოლო დღეები და კვირებია რესპუბლიკის პრეზიდენტის ამპლუაში. კიდევ რამდენიმე კვირა ვიქნები პრეზიდენტი, შემდეგ კი გადავდგები
სერბეთის პრეზიდენტმა ალექსანდარ ვუჩიჩმა განაცხადა, რომ რამდენიმე კვირაში თანამდებობიდან გადადგება.
„მეუბნებოდნენ, რომ პრეზიდენტის პოსტს არასოდეს დავტოვებდი, [მაგრამ] ეს ჩემი ბოლო დღეები და კვირებია რესპუბლიკის პრეზიდენტის ამპლუაში. კიდევ რამდენიმე კვირა ვიქნები პრეზიდენტი, შემდეგ კი გადავდგები“, - განაცხადა ვუჩიჩმა 27 ივნისს, თავისი მხარდამჭერების წინაშე გამართულ მიტინგზე სიტყვით გამოსვლისას.
ვუჩიჩმა დასძინა, რომ სერბეთის საპარლამენტო არჩევნებში აპირებს მონაწილეობის მიღებას. აპრილში მან თქვა, რომ მზად იყო პარლამენტის ვადამდელი არჩევნები ჩაეტარებინა. მოსალოდნელია, რომ კენჭისყრა უკვე შემოდგომაზე გაიმართება.
გასულ თვეებში სერბეთის პრეზიდენტმა რამდენჯერმე აღნიშნა, რომ შესაძლოა დაკავებული თანამდებობა დაეტოვებინა. მას უფლებამოსილების ვადა 2027 წელს ეწურება. კონსტიტუციის თანახმად, ერთსა და იმავე პირს არ შეუძლია პრეზიდენტის პოსტი ორ ვადაზე მეტხანს დაიკავოს. ვუჩიჩმა განაცხადა, რომ კონსტიტუციის შეცვლას არ აპირებს: „მე დიქტატორი არ ვარ“.
იმედი
წყარო: imedinews.ge