„ალტერნატივა გერმანიისთვის“ წევრი ირმჰილდ ბოსდორფი: ალბათ, პირველად გვექნება შემთხვევა, როდესაც გერმანიის ერთ-ერთ ფედერალურ მიწას AfD-ს პრემიერ-მინისტრი ეყოლება. ფრიდრიხ მერცმა თქვა, რომ AfD-თან თანამშრომლობა არავითარ შემთხვევაში არ შეიძლება. ვფიქრობ, დემოკრატიისთვის სახიფათოა, როდესაც ასე მოქმედებენ

გერმანიაში საქსონია-ანჰალტის მიწაზე დაგეგმილი მნიშვნელოვანი არჩევნების თემაზე „ქრონიკა“ ევროპარლამენტარს, პარტია „ალტერნატივა გერმანიისთვის“ (AfD) წევრს, ირმჰილდ ბოსდორფს ესაუბრა.

„ალბათ, პირველად გვექნება შემთხვევა, როდესაც გერმანიის ერთ-ერთ ფედერალურ მიწას AfD-ს პრემიერ-მინისტრი ეყოლება. ფრიდრიხ მერცმა თქვა, რომ AfD-თან თანამშრომლობა არავითარ შემთხვევაში არ შეიძლება. ვფიქრობ, დემოკრატიისთვის სახიფათოა, როდესაც ასე მოქმედებენ. გერმანიაში ადამიანებს უამრავი პრობლემა აქვთ.ქრისტიან-დემოკრატებს კი ამ პრობლემებისგან არცერთის გადაჭრა არ შეუძლიათ. ხალხი იმედოვნებს, რომ „ალტერნატივა გერმანიისთვის“ სხვა პოლიტიკას გაატარებს“, - განაცხადა ირმჰილდ ბოსდორფმა.

როგორც ცნობილია, Politico წერს, რომ კანცლერის ფრიდრიხ მერცის პარტია მომავალ რეგიონულ არჩევნებზე მარცხდება, სოციოლოგიური კვლევებით AfD-ს 42%-იანი მხარდაჭერა აქვს, რაც ორჯერ აღემატება ქრისტიან-დემოკრატების რეიტინგს.

მზარდი პოლიტიკური პოლარიზაციის პირობებში იზრდება რეიტინგის სათავეში მყოფი პარტიის წევრებსა და ინფრასტრუქტურაზე თავდასხმის ფაქტები. ქალაქ ბად-კროიცნახში AfD-ს საინფორმაციო კარავს და იქ შეკრებილ ხალხს უცნობი ქიმიური სითხე შეასხეს. დაშავდა 9 ადამიანი. არჩევნების მოახლოებასთან ერთად AfD-ს ფრიდრიხ მერციც აკრიტიკებს.