ანდრეი ბაბიში: მიმდინარე წელს ჩეხეთი სავარაუდოდ, ნატოს თავდაცვითი ხარჯების მიზანს ვერ შეასრულებს
იმედი|imedinews.ge
მიმდინარე წელს ჩეხეთი სავარაუდოდ, ნატოს თავდაცვითი ხარჯების მიზანს ვერ შეასრულებს, - განაცხადა ჩეხეთის პრემიერ-მინისტრმა ანდრეი ბაბიშმა. მისივე თქმით, მთავრობა ყველაფერს გააკეთებს, რათა თავდაცვაზე მთლიანი შიდა პროდუქტის 2% დახარჯოს, თუმცა ამას ბიუჯეტთან დაკავშირებული პრობლემები გაართულებს.
ბაბიშის განმარტებით, არსებული დეფიციტი წინა მთავრობის გადაჭარბებული ხარჯების შედეგია.
ამასთან, ჩეხეთის პრემიერ-მინისტრმა განაცხადა, რომ ალიანსის წევრებმა მეტი ყურადღება უნდა დაუთმონ სამხედრო შესაძლებლობების გაძლიერებას და არამხოლოდ ხარჯების მაჩვენებლებს.
გაზიარება:
იმედი
წყარო: imedinews.ge