აქციების დროს ზვიად მაისაშვილის, ლევან ხაბეიშვილისა და გურამ როგავას მიმართ ძალადობის ფაქტებზე დაკავებულთა აღკვეთის ღონისძიებაზე სასამართლო სავარაუდოდ, დღეს იმსჯელებს

ზვიად მაისაშვილის, ლევან ხაბეიშვილისა და გურამ როგავას მიმართ აქციების დროს, ძალადობის ფაქტებზე დაკავებულთა აღკვეთის ღონისძიებაზე, სასამართლო სავარაუდოდ, დღეს იმსჯელებს. საქმეზე დაკავებულია სამი ყოფილი და ერთი მოქმედი სპეცრაზმელი, ასევე, შინაგან საქმეთა სამინისტროს დაცვის პოლიციის დეპარტამენტის თანამშრომელი. მათ სამსახურებრივი უფლებამოსილების ძალადობის გზით გადამეტება ედებათ ბრალად, ხოლო როგავას ეპიზოდზე, ბრალდებულს გამოძიება ჟურნალისტისთვის პროფესიულ საქმიანობაში ძალადობის გზით ხელის შეშლასაც ედავება.

ბრალის დამტკიცების შემთხვევაში, დაკავებულებს, 5-დან 8 წლამდე პატიმრობა ემუქრებათ.