არჩილ გორდულაძე: 1500 ლარი კი არა, 2000 ლარი კი არა, არც 15 000 ლარი და 150 000 ლარი არ არის ჩვენი გუნდისთვის საკმარისი თითოეული ჯარისკაცისთვის. არ არის ეს საკმარისი ერთი მარტივი მიზეზიდან გამომდინარე, რომ სამშობლოს მსახურება ფულში ვერანაირად დაითვლება

1500 ლარი კი არა, 2000 ლარი კი არა, არც 15 000 ლარი და 150 000 ლარი არ არის ჩვენი გუნდისთვის საკმარისი თითოეული ჯარისკაცისთვის. არ არის ეს საკმარისი ერთი მარტივი მიზეზიდან გამომდინარე, რომ სამშობლოს მსახურება ფულში ვერანაირად დაითვლება, - ასე უპასუხა იურიდიულ საკითხთა საპარლამენტო კომიტეტის თავმჯდომარემ არჩილ გორდულაძემ გადაცემაში „ღია ეთერი-დებატები“ ილია ღლონტის კითხვას - „საკმარისია თუ არა ხელფასი, რომელიც ჯარისკაცებს აქვთ“.

გორდულაძემ ასვე მიმართა ღლონტს, რომ თუ რეალურად პატრიოტული გრძნობებითაა განმსჭვალული, პირველ რიგში უნდა ამბობდეს, რომ ევროპარლამენტი რეზოლუციებში ერთხელ მაინც არ მოიხსენიებს რუსეთს ოკუპანტად.

„ჯარისკაცების ხელფასები იზრდება. ნახეთ, 2026 წლის ბიუჯეტში რამდენია ხელფასი გათვალისწინებული თითოეული ჯარისკაცისთვის, რომელიც მზარდია სხვადასხვა რანგიდან, წოდებიდან გამომდინარე. თითოეულ ჯარისკაცს გადავუხდით მადლობას თითოეული გათენებული დღისა და ღამისთვის. 1500 ლარი კი არა, 2000 ლარი კი არა, არც 15 000 ლარი და 150 000 ლარი არ არის ჩვენი გუნდისთვის საკმარისი თითოეული ჯარისკაცისთვის. არ არის ეს საკმარისი ერთი მარტივი მიზეზიდან გამომდინარე, რომ სამშობლოს მსახურება ფულში ვერანაირად დაითვლება და რას ვაკეთებთ ჩვენ? ზუსტად იმ სუვერენიტეტის დაცვიდან გამომდინარე რომ გვიწერენ რეზოლუციებს, ერთხელ სიტყვა „ოკუპანტი“ ვერ ჩავაწერინეთ. ჩვენი გუნდისა და იუსტიციის სამინისტროს დამსახურებაა, დადასტურებული იურიდიული ფაქტია, რომ 1990-იანი წლებიდან დაწყებული დღევანდელ დღემდე ოკუპირებულ ტერიტორიებზე, ადამიანის უფლებების თითოეულ დარღვევაზე რუსეთის ფედერაციას ეკისრება... წესით, პატრიოტული გრძნობებით თუ ხარ განმსჭვალული, პირველ რიგში ეს უნდა თქვათ, რომ რეზოლუციებში ერთხელ მაინც არ ახსენებთ, რომ რუსეთი არის ოკუპანტიო", - აღნიშნა გორდულაძემ.