არგენტინამ მსოფლიო ჩემპიონატზე ასპარეზობა ლეო მესის ჰეთთრიკით დაიწყო

არგენტინის ეროვნულმა საფეხბურთო ნაკრებმა მიმდინარე მსოფლიო ჩემპიონატზე გამოსვლა გამარჯვებით დაიწყო.

J ჯგუფში არგენტინელთა მეტოქე ალჟირი იყო. შეხვედრა არგენტინის უპირატესობით დაიწყო და მე-17 წუთზე შეუდარებელმა ლიონელ მესიმ ანგარიში გახსნა.

მატჩის მე-60 წუთზე მესიმ დუბლი გაიფორმა და ანგარიში 2:0 არგენტინელთა სასარგებლოდ გახადა, ხოლო 76-ე წუთზე არგენტინელთა „ათიანმა“ ჰეთთრიკი შეასრულა და საბოლოო ანგარიში 3:0 დააფიქსირა.

სამი ქულით არგენტინა J ჯგუფის ლიდერია. ალჟირი ნული ქულითა და სამი გაშვებული გოლით ჯგუფში მეოთხე ადგილს იკავებს.