„არსენალმა“ 22-წლიანი პაუზის შემდეგ პრემიერლიგა მოიგო

ლონდონის „არსენალმა“ ოფიციალურად მოიპოვა ინგლისის პრემიერლიგის ჩემპიონის ტიტული.

ეს არის გუნდის პირველი საჩემპიონო ტრიუმფი ბოლო 22 წლის განმავლობაში.

ბოლოჯერ „მეთოფეებმა“ ოქროს მედლები შორეულ 2004 წელს, არსენ ვენგერის ეპოქაში მოიპოვეს.

მიკელ არტეტას გუნდის გაჩემპიონება მას შემდეგ გაფორმდა, რაც მათმა უახლოესმა მდევარმა, „მანჩესტერ სიტიმ“ „ბორნმუთთან“ გასვლით შეხვედრაში ქულები დაკარგა და მატჩი ფრედ, 1:1 დაასრულა.

ამ შედეგით, ჩემპიონატის დასრულებამდე ერთი ტურით ადრე, „არსენალი“ მეტოქისთვის მიუწვდომელი გახდა და ოთხქულიანი უპირატესობით ტიტული ვადაზე ადრე გაინაღდა.