აშშ-ის სენატორთა ორპარტიული ჯგუფი ირანისა და რუსული ენერგომატარებლების მყიდველების წინააღმდეგ სანქციების კანონპროექტზე შეთანხმდა

აშშ-ის სენატორთა ორპარტიულმა ჯგუფმა განაცხადა, რომ მიაღწია შეთანხმებას კანონპროექტზე, რომელიც შეერთებული შტატების პრეზიდენტს, დონალდ ტრამპს საშუალებას მისცემს, დამატებითი შეზღუდვები დააწესოს რუსული ენერგომატარებლების მსხვილი მყიდველებისა და ირანის წინააღმდეგ.

Bloomberg-ის ცნობით, ტრამპმა უკვე განაცხადა, რომ მხარს უჭერს აღნიშნულ ინიციატივას, რომლის აქტიური მხარდამჭერიც გარდაცვლილი სენატორი, ლინდსი გრემი იყო. კანონპროექტზე პროცედურული კენჭისყრა სამშაბათს საღამოს არის დაგეგმილი.

სამშაბათს გამოქვეყნებული ტექსტის თანახმად, დოკუმენტი ახანგრძლივებს ირანის წინააღმდეგ მოქმედ სანქციებს და განსაკუთრებულ ყურადღებას უთმობს რუსულ ნავთობისა და გაზის ექსპორტს.

კანონპროექტი პრეზიდენტს ანიჭებს უფლებამოსილებას, დააწესოს ტარიფები რუსული ნავთობისა და ბუნებრივი აირის 5 უმსხვილეს მყიდველზე, ასევე იმ 5 ქვეყანაზე, რომლებიც ყველაზე მეტად ეხმარებიან რუსეთს ენერგეტიკული სანქციებისთვის გვერდის ავლაში.