აშშ-ის ცენტრალური სარდლობა: ამერიკულმა ძალებმა ირანის იმ სამხედრო ობიექტებზე მიიტანეს იერიში, რომლებიც პასუხისმგებელნი იყვნენ ჰორმუზის სრუტეში მყოფი ამერიკული ხომალდების წინააღმდეგ განხორციელებულ თავდასხმებზე
აშშ-ის ცენტრალური სარდლობის (CENTCOM) განცხადებით, ამერიკულმა ძალებმა ირანის იმ სამხედრო ობიექტებზე მიიტანეს იერიში, რომლებიც პასუხისმგებელნი იყვნენ ჰორმუზის სრუტეში მყოფი ამერიკული ხომალდების წინააღმდეგ განხორციელებულ თავდასხმებზე.
CENTCOM-ის პრესრელიზის თანახმად, 7 მაისს, როდესაც აშშ-ის სამხედრო-საზღვაო ძალების მართვადი სარაკეტო გამანადგურებლები ჰორმუზის სრუტიდან ომანის ყურისკენ მიემართებოდნენ, ირანულმა მხარემ მათზე „უმიზეზო თავდასხმა“ მიიტანა.
ამერიკელმა სამხედროებმა თავდასხმა მოიგერიეს და საპასუხო დარტყმები თავდაცვის მიზნით განახორციელეს.
ამერიკული ძალების სამიზნეს წარმოადგენდა ირანის შემდეგი სამხედრო ინფრასტრუქტურა: რაკეტებისა და დრონების გამშვები პუნქტები; მართვისა და კონტროლის ცენტრები; სადაზვერვო და დაკვირვების კვანძები.
როგორც განცხადებაშია აღნიშნული, ირანულმა ძალებმა მრავალჯერადი რაკეტები, დრონები და მცირე ზომის კატარღები გამოიყენეს ამერიკული გამანადგურებლების წინააღმდეგ, რომლებიც საერთაშორისო საზღვაო დერეფანში გადაადგილდებოდნენ.
CENTCOM-ის ინფორმაციით, თავდასხმის შედეგად ამერიკული სამხედრო აქტივები არ დაზიანებულა.
