აშშ-ის ცენტრალური სარდლობა სპარსეთის ყურეში ნავთობის ტანკერის დაბომბვის შესახებ იუწყება
აშშ-ის შეიარაღებული ძალების ცენტრალური სარდლობის ინფორმაციით, გვიან ღამით მათ სპარსეთის ყურეში ნავთობის ტანკერი დაბომბეს, რომელიც ირანის ხარკის კუნძულისკენ გადაადგილდებოდა.
ამერიკული მხარის მტკიცებით, გემი ბოტსვანის დროში ქვეშ ცურავდა. ხომალდის ეკიპაჟი ამერიკელი ჯარისკაცების ბრძანებას, გაჩერების შესახებ, არ დაემორჩილა და გზა განაგრძო, რის გამოც სამხედროები იძულებულნი გახდნენ მისთვის ესროლათ.
„საბოლოოდ, ამერიკულმა თვითმფრინავმა ხომალდი მწყობრიდან გამოიყვანა, ესროლა მის სამანქანო განყოფილებას რაკეტა Hellfire, რის გამოც მან ირანამდე ვერ მიაღწია“, - აღნიშნულია ცენტრალური სარდლობის მიერ გავრცელებულ განცხადებაში.
აშშ-ის ცენტრალური სარდლობა საზოგადოებას შეახსენებს, რომ ამერიკული მხარე ჰორმუზის სრუტის ბლოკადას 13 აპრილიდან ახორციელებს. დროის ამ მონაკვეთის განმავლობაში მათ მწყობრიდან გამოიყვანეს ექვსი კომერციული გემი, ხოლო 122 გემს კურსი შეაცვლევინეს.
იმედი
წყარო: imedinews.ge