აშშ-ის ცენტრალურმა სარდლობამ ირანზე დარტყმების მორიგი სერია განახორციელა

აშშ-ის შეიარაღებული ძალების ცენტრალური სარდლობის (CENTCOM) ინფორმაციით, გვიან ღამით ამერიკელმა სამხედროებმა ირანზე საჰაერო დარტყმები წარმატებით განახორციელეს.

CENTCOM-ის ინფორმაციით, ამჯერად სამხედროების სამიზნეებს წარმოადგენდა ირანის სამხედრო სარდლობის ცენტრები, უპილოტო საფრენი აპარატების საცავები, საკომუნიკაციო ქსელები, სანაპირო სადამკვირვებლო პუნქტები და საზღვაო შესაძლებლობები. სარდლობის განცხადებით, ოპერაციის მიზანი იყო იმ საფრთხის კიდევ უფრო შემცირება, რომელსაც ირანი ჰორმუზის სრუტეში მოძრავი კომერციული გემებისთვის წარმოადგენს.

CENTCOM-ის ცნობით, მიუხედავად ირანის ისლამური რევოლუციის გუშაგთა კორპუსის მიერ ბოლო პერიოდში განხორციელებული თავდასხმებისა, საერთაშორისო სანაოსნო მარშრუტი კვლავ ღიაა. სარდლობის განცხადებით, აშშ-ის სამხედრო ძალების მხარდაჭერით კომერციული გემები ჰორმუზის სრუტეში თავისუფლად განაგრძობენ გადაადგილებას.

ამჟამად ახლო აღმოსავლეთის რეგიონში 50 000-ზე მეტი ამერიკელი სამხედრო მოსამსახურე ასრულებს სამსახურს.