აშშ-მა ირანის ციფრული აქტივების ბირჟა Nobitex-ი და კიდევ სამი სხვა ბირჟა დაასანქცირა

აშშ-ის მთავრობამ ირანის ციფრული აქტივების ბირჟა Nobitex-ი და კიდევ სამი სხვა ბირჟა დაასანქცირა. ინფორმაციას სახელმწიფო დეპარტამენტის პრესსპიკერი ტომი პიგოტი სოციალურ ქსელ X-ში ავრცელებს.

„შეერთებულმა შტატებმა შემოიღო სანქციები ირანის უმსხვილესი ციფრული აქტივების ბირჟის Nobitex-ისა და კიდევ სამი სხვა ბირჟის წინააღმდეგ იმის გამო, რომ ისინი რეჟიმის ტერორისტულ საქმიანობას უჭერენ მხარს და სანქციებს თავს არიდებენ“, - დაწერა პიგოტმა.

მისი განცხადებით, აშშ-ის პრეზიდენტის დონალდ ტრამპის მაქსიმალური ზეწოლის კამპანია გრძელდება, რათა ირანს ბირთვული იარაღის შექმნის შესაძლებლობა და ტერორიზმის დაფინანსების საშუალება არ მიეცეს.

The United States is sanctioning Iran's largest digital asset exchange, Nobitex, along with three other Iranian exchanges for supporting the regime's terrorist activities and sanctions evasion. President Trump’s maximum pressure campaign continues to prevent the regime from… — Tommy Pigott (@statedeptspox) June 2, 2026