აშშ-მა რუსეთის შვიდ მოქალაქეს და ორ გემს სანქციები მოუხსნა

აშშ-ის ხაზინის დეპარტამენტმა რუსეთის შვიდი მოქალაქე და ორი გემი სასანქციო სიიდან ამოიღო. შესაბამისი განკარგულება ხაზინის დეპარტამენტის უცხოური აქტივების კონტროლის სამმართველოს ვებ-გვერდზეა გამოქვეყნებული.

ინფორმაციის თანახმად, სანქციები მოეხსნა ივან პოტანინს, რომელიც რუსი ოლიგარქის ვლადიმერ პოტანინის შვილია. სანქციები მოუხსნეს აგრეთვე „ნოვიკომბანკ“-ის მმართველის მოადგილეს გერმან ბელოუსს, „სოვკომბანკ“-ის სამეთვალყურეო საბჭოს წევრ მიხეილ კლიუკინს, ბანკ „ოტკრიტიე“-ს მმართველი საბჭოს წევრებს ვიქტორ ნიკოლაევს, ირინა კრემლევას, ნადეჟდა ჩერკასოვას და რუსეთის კიდევ ერთ მოქალაქეს მაქსიმ სმირნოვს.

სასანქციო სიიდან აგრეთვე ამოიღეს რუსული სატვირთო გემები „ვიაჩესლავ არშინოვი“ და „გენადი ეგოროვი“.