ავთანდილ კასრაძე: 26 მაისის აღსანიშნავად, საქართველოს ინოვაციების და ტექნოლოგიების სააგენტოს სტენდი ქუთაისში მინი მოდელია იმისა, თუ რა დახვდება ქუთაისის მოსახლეობას უკვე ტექნოლოგიურ ჰაბში

ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტოს თავმჯდომარე ავთანდილ კასრაძე ქუთაისში, GITA - ს ტექნოლოგიურ პავილიონს ესტუმრა. ავთანდილ კასრაძის თქმით, წლევანდელი დამოუკიდებლობის დღის აღნიშვნა ქუთაისში არ არის შემთხვევითი და მას ერთგვარი სიმბოლური დატვირთვა აქვს.

„მოგეხსენებათ, უახლოეს პერიოდში, ქუთაისში, პარლამენტის ყოფილ შენობაში, გაიხსნება რეგიონის მასშტაბით უპრეცედენტოდ დიდი ტექნოლოგიური ჰაბი. სწორედ ამიტომ გადაწყდა, რომ წელს, 26 მაისს, ინოვაციების და ტექნოლოგიების სააგენტოს ტექნოლოგიური პავილიონი ქალაქ ქუთაისში ყოფილიყო წარმოდგენილი. GITA -ს სტენდი არის მინი მოდელი იმისა, თუ რა დახვდება ქუთაისის მოსახლეობას უკვე ტექნოლოგიურ ჰაბში - ტექნოლოგიურ-ლაბორატორიული დანადგარები, 3D პრინტერი, რობოტექნიკისა და ელექტრონიკის მიმართულებები, სხვადასხვა ტიპის ვორქშოფები ახალგაზრდებისთვის, იმისათვის, რომ გაეცნონ ტექნოლოგიურ სიახლეებს და კიდევ უფრო მეტად დაინტერესდნენ აღნიშნული სფეროთი. შემდეგ კი საკუთარი იდეები ქუთაისის ტექნოლოგიურ ჰაბში კონკრეტულ სტარტაპ და ინოვაციურ ბიზნესებად აქციონ“, - აღნიშნა ავთანდილ კასრაძემ.

ქუთაისის ცენტრალურ მოედანზე ინოვაციების და ტექნოლოგიების სააგენტო წელსაც განსაკუთრებული, ტექნოლოგიური და ინოვაციური სტენდითა და მრავალფეროვანი აქტივობებით ხვდება სტუმრებს. მთელი დღის განმავლობაში ჩატარდება 3D მოდელირების, Snap circuits და lego spike - ის, დრონების, VR სათვალეებისა და სკანირების ვორქშოფები. სტუმრები ინდუსტრიული რობოტი ხელი NYIRIO და UNITRI რობოტების პრაქტიკულ ტესტირებასაც შეძლებენ.

ინფორმაციას ინოვაციების და ტექნოლოგიების სააგენტო ავრცელებს.