აზერბაიჯანი გმობს ისრაელის მიერ სომეხთა გენოციდის აღიარებას და მას „ისტორიული ფაქტების დამახინჯებას“ უწოდებს
აზერბაიჯანი გმობს ისრაელის მიერ სომეხთა გენოციდის აღიარებას და მას „ისტორიული ფაქტების დამახინჯებას“ უწოდებს.
ისრაელმა 1915 წლის სომეხთა გენოციდი ოფიციალურად გუშინ პირველად აღიარა, თურქეთთან ურთიერთობების გაუარესების ფონზე.
თურქეთი უარყოფს, რომ პირველი მსოფლიო ომის პერიოდის სისასტიკე გენოციდს წარმოადგენს. ანალოგიურ პოზიციას იკავებს აზერბაიჯანიც, რომელსაც ისრაელთან მჭიდრო ურთიერთობა აქვს.
„ისრაელის მთავრობის გადაწყვეტილება ე.წ. „სომეხთა გენოციდთან“ დაკავშირებით სერიოზული შეშფოთების საგანია“, - ნათქვამია აზერბაიჯანის საგარეო საქმეთა სამინისტროს განცხადებაში. „1915 წლის მოვლენების ირგვლივ ისტორიული ფაქტების დამახინჯება და რთული ისტორიული საკითხის პოლიტიკურ გადაწყვეტილებამდე დაყვანა, მყარი სამართლებრივი თუ მეცნიერული საფუძვლის გარეშე, მიუღებელია“.
განცხადებაში ასევე აღნიშნულია, რომ „ასეთი ქმედებები არ უწყობს ხელს შერიგებას ან ურთიერთგაგებას. პირიქით, ის აღრმავებს არსებულ განხეთქილებას და ძირს უთხრის რეგიონში ხანგრძლივი მშვიდობისა და სტაბილურობის მიღწევის მცდელობებს. ჩვენ მოვუწოდებთ ისრაელის მთავრობას, გადახედოს ამ გადაწყვეტილებას“.
იმედი
წყარო: imedinews.ge