აზერბაიჯანის ტრანსპორტის მინისტრის მოადგილე ბაქო-თბილისის მატარებელზე: შესანიშნავი მატარებელია შესანიშნავი პირობებით - ეს განავითარებს კავშირებს საქართველოსა და აზერბაიჯანს შორის
ყველას გილოცავთ, ეს არის შესანიშნავი მოვლენა, მას 6 წლის განმავლობაში ველოდით, - განაცხადა მედიასთან აზერბაიჯანის ციფრული განვითარებისა და ტრანსპორტის მინისტრის მოადგილემ ჯავიდ გურბანოვმა ბაქო-თბილისის სარკინიგზო ხაზზე პირველი სამგზავრო რეისის შესახებ, რომელიც დღეს შესრულდა.
მინისტრის მოადგილემ, რომელიც დღეს შესრულებული პირველი რეისის მგზავრებს შორის იყო, სარკინიგზო სამგზავრო მიმოსვლის მნიშვნელობაზე გაამახვილა ყურადღება.
„თქვენ იცით, რომ პანდემიის შემდეგ ეს პირველად მოხდა. შესანიშნავი მატარებელია შესანიშნავი პირობებით. ყველაფერი კი აზერბაიჯანის პრეზიდენტისა და საქართველოს პრემიერ-მინისტრის დამსახურებით, ხელმოწერის შემდეგ მოხდა. ეს განავითარებს კავშირებს საქართველოსა და აზერბაიჯანს შორის. სამომავლო ურთიერთობებისთვის მნიშვნელოვანია, ეს ჩვენს ხალხებს შორის კავშირებისთვის ახალი შესაძლებლობაა“, - განაცხადა ჯავიდ გურბანოვმა.
6-წლიანი პაუზის შემდეგ, ბაქო-თბილისის სარკინიგზო ხაზზე პირველი სამგზავრო რეისი დღეს - საქართველოს დამოუკიდებლობის დღეს შესრულდა.
იმედი
წყარო: imedinews.ge